الإعدادات

اقتراحات وشكاوي

اللغة · Language

شكل اللعبة

اتجاه الشاشة

الصوت أصوات اللاعبين (الطلب، طاف، لارنس) أصوات المكان (البحر، الريح، السوق) موسيقى العود في الرئيسية صوت النقر على الأزرار رسايل اللاعبين وهداياهم اهتزاز خفيف لما يجي دورك تلميح الورقة الآمنة آخر 5 ثواني

طريقتك في الخبص

طريقتك في التوزيع

القواعد

اقرألي القوانين

البداية

• 4 لاعبين (2 ضد 2) أو 6 (3 ضد 3)، وكل لاعب ياخذ 9 أوراق.
• ويا 4 لاعبين تنشال الأوراق من 2 لين 6، وتبقى ستة السبيت وستة الهاس. ويا 6 لاعبين الورق كامل، وفي الحالتين فيه جوكرين.
• الخبصة تظل عند نفس الموزع لين يصير سكور فريقه أعلى، بعدين تنتقل لليمين.

الطلب

• الطلب يبدا من يمين الموزع ويدور لفة وحدة: 6، 7، 8، لارنس. واللي ما يبا يطلب يقول طاف. والـ8 واللارنس بس للي عنده جوكر.
• السؤال عن الجوكر: اللي عنده جوكر واحد يقدر يسأل فريقه: «عندكم الجوكر الثاني؟». إذا قالوا إيه لازم يطلب لارنس، وإذا لا لازم يطلب 8.
• إذا محد طلب، الموزع عليه 6 إجباري، وإذا خسرها ما تتدبل.
• صاحب أعلى طلب يختار الحكم، واللعب يبدا من يمينه ويمشي لليمين.

اللعب

• لازم تلعب من نفس النوع إذا عندك، وإذا ما عندك تقدر تنزل الحكم أو أي ورقة.
• الجوكر الأحمر (الشاهين) أقوى ورقة، بعده الأسود (الذيب)، بعدين الإيس.

الجواكر

• الجواكر تقدر تنزلها في أي أكلة حتى لو عندك من النوع، بس ما تبدا فيها.
• الجوكر الأسود لازم ينزل في أول 3 أكلات، وإذا ظل في إيدك بعدها يحترق وفريقك يخسر الجولة.
• الجوكر الأحمر ما ينزل قبل الأسود، وإذا ظل آخر ورقة وعليك تبدا يحترق وفريقك يخسر الجولة.
• التضمين: إذا صاحب الطلب عنده الجوكرين، ينزل الأحمر قبل الأسود وفي أول 3 أكلات، وإلا يحترق وفريقه يخسر الجولة. والأسود يقدر يخليه لآخر ويبدا فيه. ولو نزّل الأسود قبل الأحمر يسقط التضمين وينحسب لعب عادي.

الطلبات الخاصة

• باون: اللي طالب 7 يقدر لين الأكلة 3 يطلع باون، ولازم ياخذون الـ9 أكلات. إذا جابها واحد فوق والسكور ما يتغير، وإذا لا 14 للخصم.
• لارنس: طلب الـ9 من البداية، وأول واحد يلعب لازم يبدا بالحكم. إذا جابها السكور يتصفر وواحد فوق، وإذا لا السكور يتصفر والواحد للخصم.
• بنط: إذا ما عندك ولا ورقة فوق 9، تقدر تطلب بنط: نقطة للخصم وخبصة يديدة.
• عالنايم: إذا فريقكم متأخر بـ20 أو أكثر، واحد منكم يقدر يعلنه قبل التوزيع. طلبكم يصير 6، وبس اللي أعلنه يشوف ورقه لين يختار الحكم. إذا جابوها 12 لكم، وإذا طاحت 12 للخصم.
• وإذا طلب الخصم 7 أو أكثر ينكسر النايم: طلبه يثبت عليه، والطلب يرجع للباقين، والكل يشوف ورقه.

النقاط

• اللي يحقق طلبه ياخذ نقاطه، واللي ما يحققه ينحسب ضعفه للخصم.
• إذا انحسمت الجولة قبل الأكلة 9، الفريق الخسران يصوّت ينهيها ولا يكمل.
• أول فريق يوصل 54 ياخذ واحد فوق، والسكور يتصفر.

نصايح

• الخبصة الأولى في كل مباراة يختارها التطبيق عشوائي.
• الورق على الطاولة ينرمي بمكان عشوائي، فركّز وين نزلت كل ورقة ومنو اللي رماها.
• إذا خلص وقتك يلعب عنك الكمبيوتر، وإذا طلعت أو انقطع النت يكمّل مكانك لين ترجع.